Улаанбаатар хотын төв цэвэрлэх байгууламжийг шинээр барих төслийн барилга угсралт 80 хувийн гүйцэтгэлтэй байна
![](https://niitlel.mn/wp-content/uploads/2023/10/387774835_651743033756804_3872211134413794663_n.jpg)
Улаанбаатар хотын шинэ цэвэрлэх байгууламж хоногт 250.000м3 ахуйн болон урьдчилан цэвэрлэсэн үйлдвэрийн хаягдал усыг Монгол Улсын MNS:4943-2015 стандартын түвшинд цэвэршүүлэх хүчин чадалтай байна.
Тус байгууламжийг Сонгинохайрхан дүүргийн 20-р хорооны нутаг дэвсгэрт байрлах хуучин цэвэрлэх байгууламжийн баруун талд 17.6 га талбайд барьж байна.
Тус байгууламжийг БНХАУ-ын 262.7 сая ам.долларын хөнгөлөлттэй зээлээр түлхүүр гардуулах нөхцөлтэй /ажлын зураг төсөл боловсруулах, барилга угсралт, тоног төхөөрөмж нийлүүлэх, суурилуулах ажил/-өөр олон улсын "ЕРС" гэрээний зарчим дээр үндэслэн байгуулж байгаа билээ.
Төслийн ерөнхий гүйцэтгэгчээр БНХАУ-ын “Чайна Тисижу сивил инженеринг групп” ХХК, “Бээжин констракшн инженеринг групп” ХХК-ийн консорциум, ажлын нарийвчилсан зураг төслийг БНХАУ-ын Шанхай хотын “Инженерийн зураг төслийн институт” ХХК /Shanghai municipal engineering design institute Co,LTD/ гүйцэтгэж, Монгол Улсын болон Олон улсын стандартад нийцүүлэн зургийг хөрвүүлэх ажлыг “Сивил инженеринг консалтинг” ХХК, “Криетив монголиа” ХХК-ийн түншлэл гүйцэтгэж байна.
Төв цэвэрлэх байгууламжийг шинээр барих төслийн хүрээнд нийт 35 барилга байгууламжийг барьж байгуулах бөгөөд инженерийн шугам сүлжээ дэд бүтэц, барилга угсралтын ажилд ерөнхий гүйцэтгэгч талаас 520, Монгол талаас туслан гүйцэтгэгч компанийн 310 инженер техникийн ажилчин ажиллаж байна.
2023 онд төслийн барилга угсралтын ажлын явцыг 85 хувьд тоног төхөөрөмжийн татан авалтыг 60 хувьд хүргэх зорилттой ажиллаж байна.
Мөн барилгын бүтээцийн ажил дууссан байгууламжуудад битүүмжлийн гидравлик туршилтыг хийж эхэллээ.
![барилгын зураг төсөл нарын зураг байж магад](https://scontent.fuln5-1.fna.fbcdn.net/v/t39.30808-6/387773277_651742990423475_4391265973136119470_n.jpg?_nc_cat=107&ccb=1-7&_nc_sid=5f2048&_nc_ohc=F-6dXD869ZgAX83hPes&_nc_ht=scontent.fuln5-1.fna&oh=00_AfDtSNrtbJ9o9pw03yCp_5lPOKRGKaWjwVUOrRy_VGpicw&oe=652AE3ED)
![](https://mcud.gov.mn/resource/mcud/image/2023/10/10/9cgmz6rxhyat3tzf/Screenshot%2049.png)
Сэтгэгдэл үлдээх