Ажил олгогчийг дэмжих туршилтын төсөл 2

Хөдөлмөр эрхлэх чадварын үнэлгээний дагуу хөдөлмөрийн зах зээлд гарахад бэлэн, ажлын байран дээр дагалдан ажилтнаар 3 ба түүнээс дээш сарын хугацаанд дадлагажин хөдөлмөр эрхлэх хүсэлтэй иргэнийг байнгын ажлын байраар хангах ажил олгогчид санхүүгийн дэмжлэг үзүүлнэ. Аж ахуйн нэгж байгууллага дараах цалингийн дэмжлэгийг авах боломжтой.

• Улаанбаатар хотод ажил олоход хүндрэлтэй иргэнийг байнгын ажлын байраар хангасан ажил олгогчид ердийн дагалднаар ажиллах 5 сарын хугацаанд хөдөлмөрийн хөлсний доод хэмжээтэй тэнцэхүйц цалингийн дэмжлэг;
• Ажил олоход хүндрэлтэй иргэнийг аймагт байнгын ажлын байраар хангасан ажил олгогчид ердийн дагалднаар ажиллах 5 сарын хугацаанд хөдөлмөрийн хөлсний доод хэмжээг 50 хувиар нэмэгдүүлсэнтэй тэнцэхүйц цалингийн дэмжлэг;
• Ажил олоход хүндрэлтэй иргэнийг эдийн засгийн тэргүүлэх салбарт байнгын ажлын байраар хангасан ажил олгогчид ердийн дагалднаар ажиллах 5 сарын хугацаанд хөдөлмөрийн хөлсний доод хэмжээг 40 хувиар нэмэгдүүлсэнтэй тэнцэхүйц цалингийн дэмжлэг;

Эдийн засгийн тэргүүлэх салбарт:

• Нэмүү өртөг шингээсэн уул уурхай
• Стратегийн мега төслүүд
• Боловсруулах аж үйлдвэр
• Хөдөө аж ахуй
• Эрчим хүч
• Тээвэр, логистик
• Төрөлжсөн аялал жуулчлал
• Дээрх салбарыг дагасан үйлчилгээ, жижиг, дунд үйлдвэрлэл, мэдлэгжсэн бүтээлч үйлдвэрлэл

 Төсөлд хамрагдах хүсэлтэй аж ахуйн нэгж байгууллага харьяа аймаг, дүүргийнхээ Хөдөлмөр, халамжийн үйлчилгээний газар, хэлтэст хүсэлтээ гаргах боломжтой.