АН-ын бүлэг Я.Содбаатар, Т.Мөнхсайхан нарыг огцруулах шаардлага хүргүүллээ
УИХ дахь Ардчилсан намын бүлэг Ерөнхий сайд У.Хүрэлсүхэд хандан УОК-ын дарга Я.Содбаатар, Эрүүл мэндийн сайд Т.Мөнхсайхан нарыг нэн даруй огцруулах талаар шаардлага хүргүүллээ.
АН-ын бүлгээс "Өнгөрсөн хугацаанд амь нас болон эрүүл мэнд, сэтгэл зүйн хохирол амссан Монгол Улсын иргэн бүр УОК-ын буруу шийдвэрээс болж хохирсон. Өнгөрсөн жил гаруйн хугацаанд Монгол Улс цар тахалтай тэмцэх, урьдчилан сэргийлэх талаар ямар ч бэлтгэлгүй, цаасан дээр хэдэн хууль, журам батлахаас хэтэрсэнгүй. Үүний нэг жишээ нь дөнгөж амаржсан эмэгтэй болон түүний нярай хүүхдийг шилжүүлэн зөөвөрлөж байгаа явдал. Тиймээс энэхүү харгис үйлдлүүдийнхээ хариуцлагыг хүлээх цаг нь одоо болсон. Иргэд ч цаашид ийм байдлыг тэвчих боломжгүй" хэмээн мэдэгдлээ.
![](https://mgl.gogo.mn/newsn/images/ck/2021/01/20/an_buleg-163232-1664010692.jpeg)
Сэтгэгдэл үлдээх