Деклан Райс: Европын аварга болвол шар айраг анх удаагаа ууж үзнэ ээ!

Английн шигшээд дуудагдан Европын АШТ-д оролцох “Вест Хэм”-ийн 22 настай хагас хамгаалагч Деклан Райс хэрвээ аварга болж чадвал амьдралдаа амталж үзээгүй нэг зүйл болох шар айргийг ууна гэж мэдэгджээ.

“Би одоо 22 настай  ч гэлээ шар айраг ууж үзээгүй. Нэг грушикийг ч уугаагүй шүү. Ер нь согтууруулах ундааны төрлийн зүйлд дурладаггүй л дээ. Үүнийг минь сонсоод хүмүүс гайхдаг л юм. Амт нь таалагддаггүй болохоор амандаа ойртуулахыг ч хүсдэггүй.

Харин Европын аварга болчихвол шар айраг ууна аа. Гэхдээ тэр даруйдаа огиод гаргачихаж магадгүй шүү. Үнэндээ би Европын АШТ-ийг тэсэн ядан хүлээж байна. Саяхан ДАШТ-ий үзэж суусан минь санаанд ороод болохгүй нь. Английн шигшээгийн Панам, Тунис, Шведтэй хэрхэн тоглохыг үзэж суухад үнэхээр гайхалтай санагдаж байж билээ” хэмээн Райс өгүүлжээ.

Р.Гэгээ