Дээд шүүх: АН дотоод асуудлаа шийдвэрлэтэл үндсэн дүрмийн өөрчлөлтийг батлахаас татгалзлаа

Ардчилсан намын дүрэмд оруулсан нэмэлт, өөрчлөлтийг бүртгүүлэх тухай тус намаас гаргасан хүсэлтийг Дээд шүүхээр өнөөдөр /2021.01.14/ хэлэлцэн шийдвэрлэлээ. Улсын Дээд шүүх хуралдаанаар АН-ын Үндсэн дүрмийн өөрчлөлтийн төслийг бүртгэхээс татгалзаж, Ц.Тувааныг Улсын Дээд шүүхийн цахим бүртгэлээс хассан байна. 

Өөрөөр хэлбэл, өнгөрөгч оны арванхоёрдугаар сард хуралдсан АН-ын X их хурлаас гарсан АН-ын Үндсэн дүрмийн өөрчлөлтийн төсөл, холбогдох бичиг баримтыг процессын дагуу явагдаагүй, дүрмийн бус гэж Улсын Дээд шүүх үзжээ. Түүнчлэн Ц.Тувааныг Улсын Дээд шүүхийн цахим бүртгэлийн сангаас хасах шийдвэрийг гаргаж, тус намыг төлөөлөх эрх бүхий этгээдийг намын Үндсэн дүрэмд заасны дагуу сонгон шалгаруулах нь зүйтэй гэж үзжээ. Мөн Мөн С.Эрдэнийн бүртгүүлэх хүсэлтийг хэрэгсэхгүй болголоо. Өөрөөр хэлбэл АН-ыг С.Эрдэнэ ч тэр, Ц.Туваан ч тэр хэн хэн нь төлөөлөхгүй гэж дээд шүүх үзлээ.