ОХУ-ын Засгийн газраас манай улсад 8 500 тонн хүчит тэжээлийн дэмжлэг үзүүллээ
![](https://niitlel.mn/wp-content/uploads/2024/03/432609877_844451111026902_4799487236383659199_n-1140x900.jpg)
ОХУ-ын Засгийн газраас Монгол Улсад тохиолдоод буй цаг агаарын нөхцөл байдал, хаваржилтын хүндрэлийг даван туулахад дэмжлэг үзүүлэх үүднээс 8500 тонн хүчит тэжээлийг буцалтгүй тусламжаар олгохоор болсон.
Үүний хүрээнд өнөөдөр /2024.03.17/ Бүгд Найрамдах Буриад Улсын Тэргүүн, Засгийн газрын дарга А.С.Цыденов Монгол Улсын Шадар сайд, УОК-ын дарга С.Амарсайханд ОХУ-ын хилийн боомт болох Хиагт хотод эхний ээлжийн 250 тонн хүчит тэжээлийг хүлээлгэн өглөө. Тусламжийн цувааг Сэлэнгэ аймгийн Алтанбулаг боомтоор оруулж, тариалан эрхлэлтийг дэмжих сангийн агуулахад хүчит тэжээлийг буулгалаа.
Буриад Улсын талаас өгсөн мэдээллээр, ОХУ-ын Монгол Улсад үзүүлж буй энэхүү хүмүүнлэгийн тусламж нь 8,5 мянган тонн хүчит тэжээл, тээвэрлэх 425 тээврийн машин ачааны тээврийн зардлын хамтаар нийт 166,6 сая рубль буюу 1,85 сая ам долларын тусламж болж байгаа бөгөөд хилээр татваргүйгээр, хялбаршуулсан байдлаар нэвтрүүлэх ажлыг ОХУ-ын Засгийн газар шийдвэрлэсэн байна.
Монгол Улсын Шадар сайд С.Амарсайхан энэ үеэр Бүгд Найрамдах Буриад Улсын Тэргүүн, Засгийн газрын дарга А.С.Цыденовт хандаж “Манай оронд тохиолдсон хаваржилтийн хүндрэлийг даван туулахад зориулж хүмүүнлэгийн тусламж үзүүлсэн ОХУ-ын Засгийн газар, ард түмэнд Монгол Улсын Засгийн газрын нэрийн өмнөөс халуун талархал илэрхийлье.
Эртнээс айл хөрш явсаар ирсэн, найрсаг дотно харилцаатай манай хоёр ард түмэн баяр хөөр, хүндрэл бэрхшээлтэй аль ч үед халуун сэтгэлээр харилцан тусалж ирсэн түүхтэй. Тэвдэж явахад тэвнээр туслах нь тэнхлүүн цагт тэмээгээр тусалнаас илүү үнэтэй. Бидний чин сэтгэлийн талархлыг ОХУ-ын Засгийн газар, ард нийтэд уламжлахыг хүсье” гэлээ.
![](https://scontent.fuln5-1.fna.fbcdn.net/v/t39.30808-6/432579879_844451327693547_2820802992371047874_n.jpg?stp=dst-jpg_p526x395&_nc_cat=103&ccb=1-7&_nc_sid=5f2048&_nc_ohc=3kzonQdjutQAX-VQvnJ&_nc_ht=scontent.fuln5-1.fna&oh=00_AfCtbkpsf6vHr0NejChqyjj55B7KzMmvNrqrubAgkfzIXw&oe=65FD4A94)
![](https://scontent.fuln5-1.fna.fbcdn.net/v/t39.30808-6/432579288_844451171026896_1304232229295766638_n.jpg?stp=dst-jpg_p526x395&_nc_cat=110&ccb=1-7&_nc_sid=5f2048&_nc_ohc=qxxRGLtToO0AX-hXzn3&_nc_ht=scontent.fuln5-1.fna&oh=00_AfAjh8Xc8rtjjUKAdAHp7UmvgH5FOnCW7N_DeTMS8TTlbA&oe=65FC2EB2)
![](https://scontent.fuln5-1.fna.fbcdn.net/v/t39.30808-6/432580166_844451251026888_3178376799406968206_n.jpg?stp=dst-jpg_p526x395&_nc_cat=111&ccb=1-7&_nc_sid=5f2048&_nc_ohc=SSqRay0WXKwAX-EWOcP&_nc_ht=scontent.fuln5-1.fna&oh=00_AfDn4CtfUG_HKhMMm14WOTt_y24Iy31qK4YOKcoRJCRYTg&oe=65FD7F03)
![](https://scontent.fuln5-1.fna.fbcdn.net/v/t39.30808-6/432650751_844451334360213_6906108820892654332_n.jpg?stp=dst-jpg_p526x395&_nc_cat=104&ccb=1-7&_nc_sid=5f2048&_nc_ohc=Dq4EvpXf3G0AX9300im&_nc_ht=scontent.fuln5-1.fna&oh=00_AfBKu1ncrPWdKcyAjQ0r2nWsBnkiXiR6R4yigBSjCXJuKw&oe=65FB9F81)
+5
<img class="x16dsc37" role="presentation" src="data:;base64, " width="18" height="18" />
Бүх хариу үйлдэл:
98
Сэтгэгдэл үлдээх