СЭРЭМЖЛҮҮЛЭГ: "Таны илгээмж ирсэн ч мэдээлэл дутуу байна 12 цагийн дотор хаягаа шинэчилнэ үү" гэсэн хуурамч зурвасаас болгоомжил

Сүүлийн үед "Мэдээлэл дутуу байсан тул таны илгээмжийг логистикийн төвд хадгалсан. Хаягаа хугацaaнд нь бөглөнө үү https://... " гэх мэт хуурамч мессежийг иргэдэд илгээн хувийн болон дансны мэдээллийг авч буруугаар ашиглах оролдлого нэмэгдэж байна.

Монгол шуудан таны дансны мэдээллийг онлайнаар авах хүсэлт гаргадаггүй тул сэжигтэй бөгөөд тодорхойгүй эх сурвалжаас ирсэн холбоос дээр дарж, хувийн мэдээлэлээ бусдад тараахаас сэргийлээрэй.

Та монгол шууданд ирсэн илгээмжтэй холбоотой мэдээллээ зөвхөн дараах сувгуудаас шалгах боломжтой юм байна.

Лавлах утас: 1800-1613

Вэбсайт: www.mongolpost.mn

(Монгол Шуудан ХК-ийн албан ёсны утас, вэб хаягийг мөн эсэхийг заавал нягтална уу.)

Хэрэв та хуурамч мессеж хүлээн авлаа гэж үзсэн тохиолдолд албан ёсны холбоо барих хэрэгслээр бидэнтэй холбогдоно уу.

Та хувийн болон санхүүгийн мэдээллээ хамгаалж, цахим гэмт хэргийн золиос болохоос сэргийлээрэй хэмээн "Монгол Шуудан" ХК сэрэмжлүүлэг гаргасан байна.