Хятадын тагнуулын онгоц Японы агаарын замд саад учруулжээ

Японы тал Хятадын тагнуулын онгоцыг  агаарын замд зөвшөөрөлгүйгээр нэвтэрсэн гэж буруутгаж байгаа нь анхны тохиолдол болж байна. Y-9 ажиглалтын онгоц орон нутгийн цагаар даваа гарагийн 11:29 цагт Данжо арлын нутаг дэвсгэрийн агаарын замд нэвтэрсний дараа Япон сөнөөгч онгоцуудаа эргүүлсэн аж.

Японы засгийн газрын ерөнхий нарийн бичгийн дарга уг зөрчлийг "туйлын хүлээн зөвшөөрөх боломжгүй" хэмээн Токио дахь Хятадын элчин сайдын яамны ажилтныг эсэргүүцлээ илэрхийлэхээр дуудсан байна.

Хятад улс нь АНУ болон түүний холбоотнууд, тэр дундаа Японтой хурцадмал нөхцөл байдалтай байгаа үед энэхүү үйл явдал болжээ. Одоогоор Бээжингээс албан ёсны хариу ирээгүй.

Даваа гарагт хийсэн дайралт хоёр минут үргэлжилсэн бөгөөд Япончууд Хятадын нисэх онгоцонд мэдэгдэл, сэрэмжлүүлэг өгсөн байна. NHK телевизийн мэдээлснээр галт буу гэх мэт зэвсэг ашиглаагүй байна.

Япон саяхан Зүүн Хятадын тэнгис дэх Сенкаку арлуудад Хятадын хөлөг онгоцууд байгаа гэж мэдэгдээд байгаа бөгөөд Бээжин үүнийг Дяоюйс гэж нэрлэдэг.

Хятад улс Тайвань болон Өмнөд Хятадын тэнгисийн бүс нутагтаа улам бэхжиж байна.

Эх сурвалж: BBC

Бэлтгэсэн: О. Янжинлхам