Цэцэрлэгийн хуваарилалт наймдугаар сарын 21-нээс 25-ны хооронд үргэлжилнэ
![](https://niitlel.mn/wp-content/uploads/2023/08/c262f6d53e722718dbbd33b715c86485_1-1.jpg)
Нийслэлийн хэмжээнд 2023-2024 оны хичээлийн жилд төрийн болон төрийн бус 667 цэцэрлэгт нийт 142,798 хүүхэд сурч, 4,726 багш ажиллана. Харин ерөнхий боловсролын нийт 307 сургуульд 384,676 хүүхэд суралцаж, 16,179 багш ажиллахаар байна.
Цэцэрлэгийн элсэлтийн бүртгэл наймдугаар сарын 1-нээс 20-ны хооронд хоёр үе шаттай үргэлжилсэн. Бүртгэл 73.3%-тай буюу нийт 142,798 хүүхдээс 104,694 хүүхэд бүртгүүлэх хүсэлт гаргажээ. Хүсэлт гаргасан хүүхдүүдийг наймдугаар сарын 21-нээс 25-ны хооронд цэцэрлэгт нь хуваарилах юм.
Нэгдүгээр ангид нийтдээ 37,727 хүүхэд хүсэлт гаргасан байна. Энэ хичээлийн жилд улсын болон хувийн сургуулиудад хүүхдийн 288 автобус үйлчилгээнд явуулах аж. Түүнчлэн ерөнхий боловсролын 1-5 дугаар ангийн сурах бичгийг төрөөс 100% үнэ төлбөргүй хангана.
Сэтгэгдэл үлдээх