ЭМЯ: Шинээр 1439 тохиолдол батлагдаж, дөрвөн хүн нас барлаа

Эрүүл мэндийн яамнаас коронавирусийн халдварын 2021 оны долдугаар сарын 15-ний өдрийн нөхцөл байдлын мэдээллийг цахим хаягаараа гаргажээ. Тус мэдээллээр сүүлийн 24 цагт шинээр 1439 тохиолдол бүртгэгдсэн байна.  

Шинээр батлагдсан тохиолдлын 855 нь Улаанбаатар хотод, 584  нь орон нутагт бүртгэгджээ. Мөн хугацаанд халдварын улмаас дөрвөн хүн нас барсан байна.

Түүнчлэн сүүлийн 24 цагийн хугацаанд 3347 хүн эдгэрлээ.