ҮЙЛ ЯВДАЛ: Байгаль орчны салбарт богино долгионы холбоогоор тоноглогдсон 30 автомашиныг хүлээлгэн өгнө

Гадаад Харилцааны Яамны “Зөвшилцөл” танхимд

10:00 цагт “Эмэгтэйчүүдийн бизнесийг сэргээн босгох, өргөжүүлэх, өсөлтийг дэмжихэд чиглэсэн мэдээлэл технологийн компаниудад тэтгэлэг олгох хөтөлбөр”-ийн Монгол улс дахь цахим нээлт, хэвлэлийн хурал  болно.

Монгол ньюс мэдээллийн төвд

11:00 цагт Монгол Улсын Ерөнхийлөгч, Ерөнхий сайд, УИХ-ын даргад "Дэлхийд албан ёсоор хүлээн зөвшөөрөгдсөн Чингис хааны Аугаа их өвийг Монгол Улсад аугаа их хөрөнгө оруулалт болгон зөв нутагшуулж, хүн төрөлхтний соёл иргэншлийн ололтыг хүндэтгэн хуульчлах" Мөнхийн санал хүргүүлж байгаа талаараа Чингис Хааны Дэлхийн Академийн Ерөнхийлөгч, S.A.I.R. Prince П.Давааням хэвлэлийн бага хурал зохион байгуулна.

Үндэсний мэдээллийн төвд

11:00 цагт "Эрдэнэс тавантолгой” ХК-ийн ногдол ашгийг Сар шинийн баяраас өмнө өгөхгүй бол тэмцлийн хурц хэлбэрт шилжих талаар иргэдийн төлөөлөл мэдээлнэ.

11:30 цагт “Ворлд плас” компанийн гаргасан койны луйврын талаар хохирогчдоос мэдээлнэ.

БШУЯ-ны 407 тоот өрөөнд

14:00 цагт Монголын ардын болон гавьяат багш нарын холбоо НҮТББ-аас Монгол улсад дээрх эрхэм алдар цолоор шагнагдсан 860 гаруй хүмүүсийн түүхчилсэн намтар зургийн хамт нийтэлсэн Номын нээлт болно.

Сүхбаатарын талбайд

13:00-15:00 цагт Япон улсын Засгийн газрын "Эдийн засаг, нийгмийн хөгжлийг дэмжих хөтөлбөр"-ийн хүрээнд байгаль орчны салбарт богино долгионы холбоогоор тоноглогдсон 30 автомашиныг хүлээлгэн өгөх үйл ажиллагаанд 21 сав газрын захиргааны дарга, байгаль хамгаалагч нар оролцоно.

Хангарди ордны 14 давхарт

14:00 цагт Улаанбаатар хотын Ерөнхий менежер цаг үеийн асуудлаар болон "Манай хороо, миний гудамж" аяны талаар мэдээлэл өгнө.