Үндэсний хэмжээнд шүд төслийг эхлүүлэхээ Ерөнхий сайд зарлалаа

Ерөнхий сайд Л.Оюун-Эрдэнэ өглөөний уламжлалт уулзалтаа эхлүүлж байна. Тэрбээр өнөөдөр өглөө нүүр амны тусламж үйлчилгээ үзүүлж буй эмч, эмнэлгийн мэргэжилтнүүдтэй уулзав.

Эрт илрүүлэх үзлэг, оношилгоонд өнөөдрийн байдлаар 860,000 гаруй хүн хамрагджээ.

Үзлэгт хамрагдсан нийт хүний 64.8% нь 0-17 насны хүүхэд байгаа бол хүүхдийн өвчлөлийн 238,184 сэжигтэй тохиолдол бүртгэгдсэн байна.

Өвчлөл бүртгэгдсэн тохиолдлоос шүд цоорох өвчлөл хамгийн их буюу 61.5%-ийг эзэлжээ. Тиймээс үндэсний хэмжээнд ирэх жилээс ШҮД төслийг хувийн хэвшилтэй хамтран эхлүүлэхээр төлөвлөж байгааг тэрбээр онцоллоо.

Шүд цоорох өвчний тархалт Монголд дэлхийн дунджаас хоёр дахин их байгаа аж.