Өнөөдөр БРИКС-ын дээд хэмжээний чуулга уулзалт ОХУ-д эхэлнэ

БРИКС бүлгийг “Долоогийн бүлэг”-ийн өөр нэгэн хувилбар гэж нэрлэгддэг БРИКС-ын дээд хэмжээний чуулга уулзалт өнөөдөр ОХУ-ын Казань хотод эхэлнэ. Энэхүү чуулга уулзалт энэ сарын 22-24-ний өдрийг хүртэл үргэлжлэх бөгөөд уулзалтад БНХАУ, Энэтхэг, Турк, Иран тэргүүтэй 36 улс оролцохоо мэдэгдсэн юм.

ОХУ-ын хэвлэл мэдээллийн хэрэгслүүдэд мэдээлснээр чуулга уулзалтын 3 дахь өдөр  ОХУ-ын Ерөнхийлөгч В.Путин НҮБ-ын Ерөнхий нарийн бичгийн дарга Антонио Гутерриштай уулзахаар төлөвлөжээ.

Сонирхуулахад, БРИКС бүлгийг 15 жилийн өмнө Бразил, Орос, Энэтхэг, Хятад гэсэн хөгжиж буй томоохон орнууд үүсгэн байгуулж байсан бөгөөд тэр цагаас хойш Өмнөд Африк, Египет, Этиоп, Иран, Арабын Нэгдсэн Эмират улс тус бүлэгт нэгдсэн юм.