ДЭМБ-ын зөвлөх багийнхан өнөөдөр Халдварт өвчин судлалын үндэсний төвд ажиллажээ

Монгол Улсад ирээд буй Дэлхийн эрүүл мэндийн байгууллагын зөвлөх багийнхан өчигдөр Халдварт өвчин судлалын үндэсний төвд ажилласан байна.

Тус багийнхан өдрийн ажлаа дүгнэж орой нь хурал хийжээ.

Зөвлөх багийнхан маргааш халдвар хамгаалал, сэхээн амьдруулах чиглэлээр Монгол Улсын хэмжээнд ажиллах хоёр багийг сургалтад хамруулах аж.

Уг сургалтад ЭХЭМҮТ болон П.Н.Шастины нэрэмжит гуравдугаар төв эмнэлэг, ХӨСҮТ-ийн эмч мэргэжилтнүүд хамрагдах юм байна.

ЭМЯ-наас шинэ коронавирусийн нөхцөл байдлын талаар өдөр бүр хэвлэлийн хурал хийдэг. Энэ хуралд ХӨСҮТ-ийн удирдлагууд оролцдог ч өнөөдөр ирээгүй юм.

Энэ талаар ХӨСҮТ-ийн ерөнхий захирал Д.Нямхүү “Өнөөдөр ДЭМБ-ын зөвлөх багийнхан манай эмнэлэг дээр ажилласан тул хэвлэлийн хуралд оролцоогүй. Маргааш болох ээлжит хуралд оролцож, мэдээлэл өгнө” гэсэн юм.


Зөвлөмж!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд niitlel.mn хариуцлага хүлээхгүй.

Сэтгэгдэл үлдээх

Таны мэйл хаягаар сэтгэгдэл бичигдэнэ.