ТҮЦ машинаас 1072 болон бусад хувьцааны мэдээллээ аваарай

ТҮЦ машинаас 1072 болон бусад хувьцааны мэдээллээ аваарай

Үнэт Цаасны Төвлөрсөн Хадгаламжийн төв/ҮЦТХТ/-өөс өнөөдөр/2020.04.24/ ард иргэдэд ТҮЦ машинаас 1072 хувьцаа, түүний ногдол ашиг, 1990 оны цагаан, ягаан тасалбарын бүх мэдээллээ авдаг болсон талаар мэдээлэл хийлээ. Тус төвөөс ТҮЦ машинаар дамжуулан үнэт цаасны мэдээлэл авах үйлчилгээг өнөөдрөөс эхлэн нэвтрүүлж байгаа аж.

1990-ээд онд төрөөс иргэдэд цэнхэр, ягаан тасалбар эзэмшүүлсэн. Гэтэл одоог хүртэл тухайн үеийн цэнхэр, ягаан тасалбар эзэмшиж буй иргэд өөрийн хувьцааг нь эзэмшиж буй компанийхаа ногдол ашгийг хүртээгүй яваа аж. Тэрхүү ногдол ашиг одоо ч Үнэт цаасны төвлөрсөн хадгаламжийн төвд хадгалагдаж байгаа юм.

Нийт 236 мянга гаруй иргэд өөртөө цэнхэр, ягаан тасалбарын хувьцааны данстай гэдгээ мэдэхгүй явж байна. Цэнхэр, ягаан тасалбарын хувьцааны ногдол ашиг гэж 2.4 тэрбум төгрөг хуримтлагджээ. 103 мянга гаруй иргэний мэдээлэл алдаатай байсан учир 2019 оноос мэдээг нь засч эхэлсэн.

Та ТҮЦ машинд хурууны хээгээ уншуулаад, таны нэр дээр ногдол ашиг хуваарилсан эсэхийг мэдэх боломжтой болжээ. Ирэх сарын 1-нээс олгож эхлэх 1072 хувьцааны ногдол ашгийг Үнэт цаасны төвлөрсөн хадгаламжийн төвөөр дамжуулан олгоно. Энэ ажлын бэлтгэл ажлыг мөн танилцууллаа.

Тус төвд нийт 330 ХХК-ийн 33,3 тэрбум ширхэг хувьцаа хадгалагдаж байна. Мөн 52 брокер диллерийн компанитай хамтран ажилладаг ажээ. 2.511 сая хүн “Эрдэнэс Тавантолгой” компанийн хувьцааны данстай байна.

Та бүхэн энд дарж цахимаар өөрийн регистрийн дугаараа оруулан, хувьцааны дансаа шалгаарай. Хэрэв гар утсаараа шалгахыг хүсвэл 158989 дугаарт өөрийн регистрийн дугаараа илгээн хувьцааны дансаа шалгах боломжтой.

Мөн аль өөрт ойрхон ТҮЦ машинд очин хувьцаа гэх цонхыг сонгон, иргэний үнэмлэх, хурууны хээгээрээ дамжуулан ямар үнэт цаасны компанид бүртгэлтэй, ямар компанийн хувьцааг эзэмшиж байна, ногдол ашиг нь мөнгөн дүнгээрээ гарч ирэх аж.

Улс орон даяар нийт 110 ТҮЦ машин байдгаас 77 нь нийслэл хотод 33 нь хөдөө орон нутагт байрладаг.

Иймээс ТҮЦ машин дээр очин “Эрдэнэс Тавантолгой” болон бусад хувьцааны дансаа шалгах боломжтой. Харин хувьцааны компанид дансгүй хүмүүс e-barimt-аараа дамжуулан хувьцааны ногдол ашгаа хүртэх асуудлыг тавдугаар сарын 01-нээс өмнөөс зохицуулна. Дансаа нээлгээгүй хүмүүс данс нээлгэх шаардлагатай. Хоёр данстай хүмүүсийн асуудлаар удахгүй тодорхой мэдээлэл хүргэх юм байна.

Click here to change this text


Зөвлөмж!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд niitlel.mn хариуцлага хүлээхгүй.

Сэтгэгдэл үлдээх

Таны мэйл хаягаар сэтгэгдэл бичигдэнэ.