Ерөнхий сайд Л.Оюун-Эрдэнэ НОК-ын Шуурхай штабын дарга Ж.Сандагсүрэнг чөлөөлөх чиглэл өгчээ

Ерөнхий сайд Л.Оюун-Эрдэнэ НОК-ын Шуурхай штабын дарга Ж.Сандагсүрэнг чөлөөлөх чиглэл өгчээ

Нийслэлийн засаг даргын Хөгжлийн бодлогын асуудал хариуцсан нэгдүгээр орлогч Ж.Сандагсүрэн ажлаа өгөхөөр яригдаж байна. Тэрбээр албан ажлынхаа чиг үүргийн хүрээнд НОК-ын Шуурхай удирдлагын багийг ахалдаг.

Ерөнхий сайд Л.Оюун-Эрдэнэ ажлаа авсан даруйдаа “НОК-ын шуурхай удирдлагын багийг илүү туршлагатай, зохион байгуулах чадвар өндөртэй хүн ажиллуулж, өнөөгийн даргыг нь солино” гэх чиглэл өгсөн байна.

Шадар сайд С.Амарсайханы зүгээс ч тэр илүү туршлагатай хүн ажиллуулах санал тавьсан. Энэ хүрээнд Ерөнхий сайдын зөвлөх, УИХ-ын гишүүн асан Ж.Энхбаярыг тус албанд очих санал тавьсан хэдий ч УОК-ын дэргэдээс ажиллах байдлаар нийслэлд туслаад явна гэдгээ илэрхийлж, татгалзжээ.

Тиймээс ойрын өдрүүдэд Ж.Сандагсүрэнг ажлаас нь чөлөөлж, туршлагатай хүнээр орлуулах хувилбар яригдаж байгаа юм байна. Ерөнхий сайд Л.Оюун-Эрдэнэ өмнө нь НОК дээр очоод буцахдаа Энд удахгүй бүтцийн өөрчлөлт хийнэ” гэж ёсоороо зарим удирдлагуудыг сэлгэх юм байна.


Зөвлөмж!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд niitlel.mn хариуцлага хүлээхгүй.

Сэтгэгдэл үлдээх

Таны мэйл хаягаар сэтгэгдэл бичигдэнэ.