Оби Микел: Зарим нь Азар шиг авъяаслаг төрчихдөг нь шударга бус

Оби Микел: Зарим нь Азар шиг авъяаслаг төрчихдөг нь шударга бус

Английн “Челси”-д 11 жилийн турш тоглосон нигери хагас хамгаалагч Жон Оби Микел багийнхаа хамгийн авъяаслаг тоглогчоор Эден Азарыг нэрлэж, Криштиано Роналдо, Лионель Мессигээс ч дутахааргүй авъяастай гэжээ. Гэхдээ Азарт нэг муу чанар байдаг аж.

“Азарыг байгалиас заяасан гайхалтай авъяаслаг тоглогч гэдгийг би өмнө нь ч хэлж байсан. Хурд, хүч, ухаан, ур чадвар гээд бүх юм түүнд бий. Авъяасаараа бол Месси, Криштиано Роналдо хоёроос дутахгүй. Гол нь тэдний хэмжээнд хүрье гэсэн хүсэл л дутна.

Бямба гаригт хүрч ирээд, сайн тоглож хожил авч өгөөд тоглолтын шилдгээр нэрлэгдэнэ. Тэгсэн хэрнээ даваа, мягмар гаригийн бэлтгэл дээр байгаа байхгүй нь ч мэдэгдэхгүй болчихно. Энд тэнд очоод зогсчихсон, энүүгээр тэрүүгээр сэлгүүцэж явах янзтай. Тоглолтын үеэр ч гэсэн бид хашгиралдаад л, нэг нэгэндээ зааж хэлж өгөөд л байхад Азар огт тэгэхгүй. Тэгсэн хэрнээ л талбай дээр шилдэг нь байж чаддаг.

Тэгэхээр зарим нь Азар шиг авъяаслаг төрчихөөд бэлтгэл ч хийдэггүй нь шударга бус санагддаг байлаа” хэмээн Жон Оби Микел өгүүлжээ.

Р.Гэгээ


Зөвлөмж!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд niitlel.mn хариуцлага хүлээхгүй.

Сэтгэгдэл үлдээх

Таны мэйл хаягаар сэтгэгдэл бичигдэнэ.