Гуллит: Хөхний хавдартай ээжийгээ эргэсэн чинь “Челси” халчихсан

Гуллит: Хөхний хавдартай ээжийгээ эргэсэн чинь “Челси” халчихсан

Голландын алдарт довтлогч Рууд Гуллит хөлбөмбөгчийнхөө замналын төгсгөлд Английн “Челси”-д очиж тоглосны зэрэгцээ мөн тоглогч-дасгалжуулагчийн үүргийг давхар хашиж явсан нэгэн. Тэрбээр Лондоны багаас яагаад халагдсан тухайгаа ийн ярьжээ.

“Яагаад намайг халсныг би бүр хожуу л олж мэдсэн. Яг тухайн үед бол учрыг нь ч олоогүй. Ээж маань хөхний хавдартай болчихсон байлаа. Тиймээс би эргэхээр байсхийгээд л Голланд руу ниснэ. Ээжтэйгээ хамт байх гэж тэр шүү дээ. Эмнэлэгт шаналж хэвтээ ээжийгээ харахад өр өмрөх шиг болдогсон. Ээжийгээ тийм байдалтай байхыг харах бүрийд хурдхан тэндээс гаргаад авчихмаар санагддаг байж билээ.

Би ээжийгээ олон удаа эргэж очсон. Гэвч намайг халсан нь бол Амстердамд үдэшлэгт оролцож, наргиж, ажлын хариуцлага алдлаа гэсэн юм билээ. Үгүй ээ, ээжийн бие муу, тэгээд клубын ажил байхад би тэгж явахгүй шүү дээ. Тэр үед цохилтод орсон шүү. Яг л араасаа хутга дүрүүлсэн мэт болсон” хэмээн Гуллит өгүүлжээ.

Рууд Гуллит “Челси”-г удирдан Английн цомд түрүүлгэсэн юм. Харин халах үед баг нь Премьер лигийн аман хүзүүнд явжээ.

Р.Гэгээ


Зөвлөмж!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд niitlel.mn хариуцлага хүлээхгүй.

Сэтгэгдэл үлдээх

Таны мэйл хаягаар сэтгэгдэл бичигдэнэ.