Шүүхээс АН-ын тамганы маргааныг даваа гаригт шийднэ

Шүүхээс АН-ын тамганы маргааныг даваа гаригт шийднэ

АН Ерөнхийлөгчийн сонгуульд нэр дэвшигчээ тодруулах торгон мөчид хоёр тийшээ харсан хэвээр байна. Ерөнхийлөгчийн талын буюу О.Цогтгэрэлийн АН-ын сунгаанд нэр дэвшсэн Х.Тэмүүжин, Д.Ганбат нар “Ийм хууль бус сунгаанд оролцохгүй” гэдгээ мэдэгдэж хаалга саваад гарцгаав.

Нэг л нэр дэвшигч АН-аас Ерөнхийлөгчийн сунгаанд явах ёстой учраас хэний тал нь хүчинтэй вэ гэдгээ тодорхой болгохоор хоёр талаас шүүхэд хандаад байгаа.

Хэд хоногийн өмнө Дээд шүүх хуралдаж АН-ын тамгатай, тамгагүй хоёр даргыг бүртгэхээс татгалзаж, буцаасан.

Тэгвэл өнөөдөр АН-ын тамганы асуудлаар Захиргааны хэргийн давж заалдах шатны шүүх хуралдаж, ирэх Даваа гариг хүртэл буюу тавдугаар сарын 3-нийг хүртэл хурлыг хойшлуулжээ. Учир нь Х.Баттулгын талын АН гурван шүүгчээс татгалзсан юм байна.

Тиймээс АН-ынхан хоорондоо ойлголцож, Ерөнхийлөгчийн сонгуульд оролцож амжих эсэх нь өөрсдөөс нь шалтгаалах болоод байна.


Зөвлөмж!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд niitlel.mn хариуцлага хүлээхгүй.

Сэтгэгдэл үлдээх

Таны мэйл хаягаар сэтгэгдэл бичигдэнэ.