Хоёр настай хүүгээ зарчихаад шинэ эхнэртэйгээ аялалд гарчээ

Хоёр настай хүүгээ зарчихаад шинэ эхнэртэйгээ аялалд гарчээ

Сё овог хятад эр хоёр настай хүүгээ зарчихаад шинэ эхнэрийнхээ хамт аялалд гарсан хэргийн тухай South China Morning Post мэдээллээ.

Гэр бүлээ цуцлуулж, хүүгээ асран халамжлах эрхийг авсныхаа дараахан Сё шинэ эхнэртэйгээ байнга муудалцах болсон тул харилцаагаа сэргээхээр аялалд гарахаар шийдсэн гэнэ. Харин аялалд явах мөнгө олохын тулд ах дээрээ байлгадаг хүүгээ сарын хугацаатай дэргэдээ байлгая гэж хэлээд түр авчээ. Гэвч сарын дараагаар хүүг буцааж авчраагүй учир ах нь утсаар залгатал дуудлагыг нь огт авахгүй байсан байна. Ингээд ах болон хамаатнууд нь хэрэг явдлын талаар цагдаад мэдэгджээ.

Цагдаа нар эрэн хайх ажиллагаа яаралтай эхлүүлсний дүнд Сё-г шинэ эхнэрийнхээ хамт Жэзян мужийн Чаншү хотноо аялж явахад нь баривчилжээ. Баривчлагдсныхаа дараагаар Сё хоёр настай хүүгээ 158 мянган юаниар хүүхэдгүй айлд зарсан хэргээ хүлээжээ. Сё-гийн өмнөх эхнэрээс мөн хоёр охин төрсөн ч өөр айлд үрчлүүлсэн гэж мэдэгдснийг цагдаа нар шалгахаар болсон байна.

Р.Гэгээ


Зөвлөмж!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд niitlel.mn хариуцлага хүлээхгүй.

Сэтгэгдэл үлдээх

Таны мэйл хаягаар сэтгэгдэл бичигдэнэ.