Япончуудын 60 хувь нь Токиогийн олимпийг эсэргүүцэж байна

Япончуудын 60 хувь нь Токиогийн олимпийг эсэргүүцэж байна

Энэ зун буюу долоодугаар сарын 23-наас наймдугаар сарын 8-нд Японы нийслэл Токиод Зуны Олимпийн наадам болох товтой. Гэлээ ч япончуудын олонхи нь олимпийн наадмыг эх орондоо энэ зун зохион явуулахыг эсэргүүцсээр байна.

Киодо агентлагаас явуулсан судалгааны дүнг харвал япончуудын 12.6 хувь нь л олимпийн наадмыг эх орондоо зохион явуулахыг дэмжиж байгаа ажээ. Харин 25.2 хувь нь олимпийн наадмыг нэг ч үзэгчгүйгээр явуулна гэвэл хүлээн зөвшөөрч болно гэж хариулсан байна.

Тэгвэл 60 гаруй хувь нь олимпийн наадмыг заавал цар тахал дэгдсэн энэ үеэр зохион явуулах гэж буйг ойлгохгүй байгаагаа илэрхийлээд эсэргүүцэж байна гэжээ. Хамгийн гол нь Японд вакцинжуулах ажиллагаа эхэлсэн ч коронавирусийн халдвар авсан хүмүүсийн тоо урьдын адил өндөр, эмнэлгүүд 90 хувийн дүүргэлттэй байгаа ажээ.

Токиогийн олимпийн наадамд гадаадын жуулчид, үзэгчдийг оруулахгүй гэж тогтсон. Харин япон иргэд болон фанатуудыг стадионд оруулах эсэхээ одоогоор шийдээгүй байна.

Р.Гэгээ


Зөвлөмж!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд niitlel.mn хариуцлага хүлээхгүй.

Сэтгэгдэл үлдээх

Таны мэйл хаягаар сэтгэгдэл бичигдэнэ.