ДЭМБ хуурамч вакцины талаар анхаарууллаа

ДЭМБ хуурамч вакцины талаар анхаарууллаа

Дэлхийн эрүүл мэндийн байгууллага /ДЭМБ/ Энэтхэгт гарган авсан “Covishield” вакцины хуурамч тунгуудыг илрүүлсэн талаараа мэдэгджээ.

Ийм вакциныг Энэтхэг, Африкийн холбогдох албаны төлөөлөгчид 7-8 дугаар сарын хооронд хураан авсан гэж ДЭМБ-ын мэдэгдэлд дурдсан байна. Мөн “Covishield” вакциныг үйлдвэрлэгч Энэтхэгийн “Serum” хүрээлэн вакцины тунгуудыг хуурамч гэдгийг баталсан гэдгийг мэдээлжээ.

Ийнхүү ДЭМБ хуурамч вакцинууд “дэлхий нийтийн эрүүл мэндэд ноцтой эрсдэл учруулж байгааг” анхааруулаад, тэдгээрийг эргэлтээс гаргахыг уриалсан байна. Энэ талаар Энэтхэгийн Засгийн газраас албан ёсны мэдэгдэл гаргаагүй байгаа ч Эрүүл мэндийн яам уг асуудлыг шалгаж байгаа талаар тус улсын олон нийтийн хэвлэл мэдээллийн хэрэгслүүд мэдээлжээ.


Зөвлөмж!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд niitlel.mn хариуцлага хүлээхгүй.

Сэтгэгдэл үлдээх

Таны мэйл хаягаар сэтгэгдэл бичигдэнэ.