Монголын сагсан бөмбөгийн баг эмэгтэй легионер тоглогчтой боллоо

Монголын Үндэсний сагсан бөмбөгийн хөгжилд томоохон хувь нэмрээ оруулж байгаа 3х3 төрлийн хамт олон Монголын спортын түүхэнд шинэ хуудас нээлээ.

Тодруулбал Канадын шигшээ багийн тоглогч Тимбилла Рашида энэ жилийн FIBA 3x3 Women’s Series буюу Дэлхийн гранприд Монголын мэргэжлийн клуб Улаанбаатар Амазонс-т тоглохоор болж гэрээгээ үзэглэжээ. Ийнхүү Монголын багууд анх удаагаа эрэгтэй, эмэгтэй 2 легионер тоглогчтой ФИБА-гийн шинэ улиралд хүч үзэх боллоо.