Улс төрийн намын тухай, УИХ-ын сонгуулийн тухай хуулийн төслөөр зөвлөлдөнө

УИХ-ын Төрийн байгуулалтын байнгын хорооноос өнөөдөр Төрийн ордонд Улс төрийн намын тухай хуулийн шинэчилсэн найруулга болон УИХ-ын сонгуулийн тухай хуулийн нэмэлт, өөрчлөлтийн төслийн талаар намуудын дунд хэлэлцүүлэг зохион байгуулна. Хэлэлцүүлгийг нээж УИХ-ын дарга Г.Занданшатар үг хэлнэ.

УИХ-ын сонгуулийн тухай хоёр хуулийн төсөл өргөн баригдсаныг УИХ-ын дэмжиж, нэгтгэн боловсруулахаар ажлын хэсэг гаргаад байгаа юм. 

Мөн Ерөнхийлөгчийн Тамгын газрын өргөн мэдүүлсэн Улс төрийн намын тухай хуулийн шинэчилсэн найруулгын төслийг УИХ өнгөрсөн долоо хоногт хэлэлцэн дэмжсэн.