Л.Оюун-Эрдэнэ өглөөний уулзалтаараа ажил олгогчдын төлөөлтэй уулзаж байна
![](https://niitlel.mn/wp-content/uploads/2023/05/FwIJLQQaUAczzv2-1140x900.jpg)
Ерөнхий сайд Л.Оюун-Эрдэнэ даваа гарагийн өглөөний уламжлалт уулзалтаа үйлдвэрчний эвлэл, ажил олгогчдын төлөөлөлтэй хийж байна. Энэхүү 3 талт уузалтаар нийгмийн түншлэлийн байгууллагын хамтын ажиллагаа, бодлогын чиглэл сэдвээр санал солилцож байна.
Хас банк ХХК-ийн захирал Г.Цэвэгжэв: Залуусын ирээдүйд итгэх итгэлийг сэргээмээр байна. Ингэхийн тулд асуудлыг цогцоор нь шийдмээр байна. Халамжийг бууруулж, иргэдийн ажил хийх сэдлийг бий болгомоор байна.
МҮХАҮТ-ийн Ерөнхийлөгч О.Амартүвшин: Төрийн албан хаагчдыг эрс цомхотгох хэрэгтэй байна. Төр зохицуулалтын ажлаа хийгээд аж ахуйн ажлаа хувийн хэвшилд шилжүүлмээр байна. Хувийн хэвшилд ажиллах хүчин олдохгүй байна. Мөн МСҮТ-ийг төгсөгчид ажлын байрны шаардлага хангахгүй байна.
Дорноговь аймгийн ҮЭ-ийн холбооны дарга С.Азжаргал: Халамжаас хөдөлмөрт шилжих бодлого хэрэгжихгүй байна. Хүүхдийн мөнгө, тэтгэвэр, тэтгэмж зэргийг авч 1 сая орчим төгрөгөөр амьдарч байгаа өрхүүд ч байна. Энэ тохиолдолд ажил хийхгүй халамжаа аваад амьдрах байдал давамгайлж байна. Мөн өргөн хэрэглээний бараа бүтээгдэхүүний үнийн өсөлтийг анхаарах хэрэгтэй байна.
![May be an image of 3 people](https://scontent.fuln5-1.fna.fbcdn.net/v/t39.30808-6/346629833_763342512104157_6063851276470168865_n.jpg?_nc_cat=108&ccb=1-7&_nc_sid=8bfeb9&_nc_ohc=0AwkZ14NjWgAX9QUny7&_nc_ht=scontent.fuln5-1.fna&oh=00_AfBXgtFuSqKZ1B3NeAkqyMVytYW7ggTc3AoFizusxdAFwg&oe=64662D52)
МҮЭХ-ны Ерөнхий нарийн бичгийн дарга Х.Буянжаргал: Засгийн газрын үйл ажиллагаанд талархаж байгаа зүйл байна. Мөн сэтгэл гонсойлгож байгаа ч асуудал байна. Монголд ажлын байрны дарамт их байна. Ялангуяа төрийн албан хаагчид эвлэлдэн нэгдэх эрхээ хасуулж байна.
![May be an image of 3 people](https://scontent.fuln5-1.fna.fbcdn.net/v/t39.30808-6/347079675_236165775686469_3371735893704967971_n.jpg?_nc_cat=104&ccb=1-7&_nc_sid=8bfeb9&_nc_ohc=3_MLNj05YBMAX8Ju3Kt&_nc_ht=scontent.fuln5-1.fna&oh=00_AfCRUdC5Dy3jdQncN7gofLphvxRrC22VGDd-LMwq6lh4Fg&oe=646737A8)
Ажил олгогч эздийн нэгдсэн холбооны гүйцэтгэх захирал Х.Ганбаатар: Энэ жил нийгмийн зөвшилцлийн хэлэлцээрийг хийхдээ бодлогын асуудлыг шийдмээр байна. Хөдөлмөрийн үнэмлэмж, хөдөлмөр эрхлэлтийн асуудлыг шийдье. Зөвхөн төрийн цалингийн асуудлыг ярих биш хувийн хэвшлийн цалингийн асуудлыг шийдье.
![May be an image of 4 people](https://scontent.fuln5-1.fna.fbcdn.net/v/t39.30808-6/347144270_9165777976828962_8656179400527435661_n.jpg?_nc_cat=100&ccb=1-7&_nc_sid=8bfeb9&_nc_ohc=mty9X3y--6UAX8j11R0&_nc_ht=scontent.fuln5-1.fna&oh=00_AfCcT9cjhg7FIj63DiJ05Ayn6xjZO1im2BPUrGBBtYlEmg&oe=6465DEB6)
ХНХ-ын сайд Х.Булгантуяа: Хөдөлмөрийн хөлсний доод хэмжээг шинэчлэн тогтоох ажлын хэсэг гаран ажиллаж байна. Мөн нийгмийн зөвшилцлийн 3 талт хэлэлцээрт бэлтгэн уулзалтуудыг хийж байна. Энэ онд ажил олгогчдыг дэмжих арга хэмжээнд 15 тэрбум төгрөг зарцуулна. Тухайлбал ажил олоход хүндрэлтэй иргэнийг эдийн засгийн тэргүүлэх салбарт байнгын ажлын байраар хангасан аж ахуй нэгжид сар бүр 800 мянган төгрөгийг 4 сарын хугацаанд цалингийн дэмжлэг үзүүлэх хэлбэрээр олгоно.
![May be an image of 2 people](https://scontent.fuln5-1.fna.fbcdn.net/v/t39.30808-6/346855068_973029877071666_3552548031678500933_n.jpg?_nc_cat=101&ccb=1-7&_nc_sid=8bfeb9&_nc_ohc=NxsnScq4yzYAX_sl-aB&_nc_ht=scontent.fuln5-1.fna&oh=00_AfAQaCLZpfDcEVdLq-nq0cCQWBnRnuUt4GhWZDPpjcaRtw&oe=64676F96)
Сэтгэгдэл үлдээх