БОАЖЯ: "Монгол орноо хогноос салгая" аян богдхан ууланд үргэлжилж ойн гүнээс 16,5 тонн хог цэвэрлэв

БОАЖ-ын сайд Б.Бат-Эрдэнийн албан даалгаврын хүрээнд Богдхан уулын хамгаалалтын захиргаа санаачлан хүн амын хөдөлгөөн төвлөрөл ихтэй амууд болох Зайсан, Жаргалант, Төрхурах, Манзушир, Түргэний амуудын ойн гүн дэх аяллын зам дагуух хогийг цэвэрлэх ажлыг зохион байгууллаа.

Цэвэрлэгээнд Хан-Уул дүүргээс 3, Баянзүрх дүүргээс 1, Хамгаалалтын захиргаанаас 5 техник хэрэгсэл дайчлан ажиллав.

Мөн Богдхан ууланд газар ашиглагч 48 аж ахуй нэгж, 320 гаруй хүн хүчийг хамруулан ойн гүнээс нийтдээ 16,5 тонн хог цэвэрлэв.

Мөн тусгай хамгаалалттай газарт газар ашиглагч иргэн, аж ахуй нэгжүүдэд мэдэгдэл хүргүүлэн орчны хогийг цэвэрлүүлэх ажлыг эхлүүллээ.