“Байгаль хамгаалал ба аялал жуулчлал” сэдэвт сургалт боллоо

Тусгай хамгаалалттай газар нутагт төсөл хэрэгжүүлж буй иргэн, аж ахуйн нэгж, байгууллагын ажилтнуудад нийтлэг мөрдөх дүрэм, журам, стандартын талаар мэдлэг олгох, байгаль орчны чиглэлээр мэргэшүүлэх сургалт өнөөдөр Богдхан уулын хамгаалалтын захиргаа, Байгаль Орчины судалгаа шинэжилгээний төвд боллоо.

Энэхүү сургалтад Богдхан уулын дархан цаазат бүсэд аялал жуулчлалын чиглэлээр үйл ажиллагаа явуулж буй 40 гаруй иргэн аж ахуйн нэгж, байгууллагын төлөөлөлүүд хамрагдан оролцлоо.

Сургалтаар:

Тусгай хамгаалалттай газар нутгийн тухай хууль эрх зүйн орчин /нэмэлт өөрчлөлт/

Усны тухай хууль түүний зохицуулалт /нэмэлт өөрчлөлт/

Эко аялал жуулчлалын зориулалттай сууц болон ариун цэврийн байгууламж, стандарт мөрдлөг

"Тэрбум мод" үндэсний хөдөлгөөний стратеги төлөвлөлтийн талаар

Дахин боловсруулах салбар, дахивар нөөц бэлтгэл нийлүүлэх боломж зэрэг сэдвээр сургалт зохион байгуулагдаж, оролцогчдод гэрчилгээ гардуулав.

Мөн сургалтын үеэр Байгаль орчин аялал жуулчлалын сайд Б.Бат-Эрдэнэ сургалтад оролцогч аж ахуй нэгж байгууллагын төлөөлөлтэй уулзаж, орчин тойрондоо ногоон байгууламжийг нэмэгдүүлж, хоггүй, цэвэрхэн, байгальд ээлтэй шийдлийг үйл ажиллагаандаа нэвтрүүлэн хууль, дүрэм журмыг мөрдөж ажиллахыг санууллаа.