Green Generation: Байгальдаа хайртай ногоон үеийн төлөөлөл байгаль орчин, аялал жуулчлалын яаманд зочилжээ

Нийслэлийн Сүхбаатар дүүргийн “Эрдмийн хөтөч” цогцолбор сургуулийн зургаадугаар ангийн сурагчид Байгаль орчин, аялал жуулчлалын яамаар зочилж, төрийн захиргааны төв байгууллагын өдөр тутмын үйл ажиллагаатай танилцав. Мөн тус сурагчид хичээлийн бие даалт болгож хийсэн шувууны үүрээ энэ үеэр БОАЖЯ-ны холбогдох мэргэжилтнүүдэд гардуулж, байгаль хамгаалагчдад дамжуулан өгч, шувууны үүрийг байршуулж өгөхийг хүслээ. Байгаль орчин, аялал жуулчлалын сайд Б.Бат-Эрдэнэ, БОАЖЯ-ны нийт албан хаагчдын нэрийн өмнөөс “Эрдмийн хөтөч” цогцолбор сургуулийн зургаадугаар ангийн сурагчдадаа талархал илэрхийлж, сурлагын өндөр амжилт хүсье.