Нийгмийн Ардчилал Монголын эмэгтэйчүүдийн холбоо /НАМЭХ/-ны ерөнхийлөгчийг сонгох хурал өнөөдөр болно.
Сунгаанд УИХ-ын гишүүн Д.Сарангэрэл, Соёлын сайд Ч.Номин нар өрсөлдөнө. Ерөнхий сайд Л.Оюун-Эрдэнийн зүгээс НАМЭХ-ны ерөнхийлөгчид сайд Ч.Номинг зүтгүүлж байгаа бол МАН-ын эмэгтэйчүүд Х.Булгантуяаг санал болгож байсан удаатай. Гэхдээ Х.Булгантуяа нь Боомтын асуудал хариуцсан сайд болсон тул гол өрсөлдөөн УИХ-ын гишүүн Д.Сарангэрэл, Соёлын сайд Ч.Номин нарын дунд болно гэж үзэж байна. НАМЭХ-ны ерөнхийлөгчөөр 2019 оноос эхлэн УИХ-ын гишүүн Д.Сарангэрэл ажиллаж байгаа юм.
