Хүний амь нас хохироосон гэх гурван хэргийг прокурорын байгууллагад шилжүүлжээ

Цагдаагийн байгууллага өнгөрсөн долоо хоногт буюу дөрөвдүгээр сарын 17-21-ний өдрүүдэд хэрэг бүртгэлтийн 29,767, мөрдөн байцаалтын 2,998 хэрэгт мөрдөн шалгах ажиллагаа явуулжээ.

Шүүхэд шилжүүлэх саналтайгаар 341 хэргийг Прокурорын байгууллагад хүргүүлсэн байна. Үүнд:

• Хүний амь хөнөөх гурав,
• Хүний эрүүл мэндийн халдашгүй байдлын эсрэг 129,
• Өмчлөх эрхийн эсрэг 148,
• Хөдөлгөөний аюулгүй байдал, тээврийн хэрэгслийн ашиглалтын журмын эсрэг 19,
• Бэлгийн эрх чөлөө халдашгүй байдлын эсрэг долоо,
• Хүрээлэн байгаа орчны эсрэг 12,
• Хууль сахиулагчийг эсэргүүцэх нэг,
• Хүүхдийн эсрэг хоёр,
• Мансууруулах эм, сэтгэцэд нөлөөт бодисыг хууль бусаар ашиглах гурав,
• Хуурамч баримт бичиг үйлдэх, ашиглах найм,
• Худал мэдээлэл тараах хоёр,
• Бусад долоон хэрэг багтсан байна.

 

Эх сурвалж: Цагдаагийн Ерөнхий Газар