Перу болон Япон улс батлан хамгаалах, уул уурхайн гэрээ хэлэлцээрүүд хийж, харилцаагаа бэхжүүлж эхлээд байна

Лимад зохион байгуулагдсан Ази, Номхон далайн эдийн засгийн хамтын ажиллагааны дээд хэмжээний уулзалтын дараагаар хоёр удирдагчийн албан ёсны айлчлал хийсэн бөгөөд Перугийн ерөнхийлөгч Ням гарагт Японы ерөнхийлөгчтэй батлан ​​хамгаалах болон уул уурхайн салбарын хамтын ажиллагааны гэрээнд гарын үсэг зуржээ.

Хэлэлцээрт Перугийн Ерөнхийлөгч Дина Болуарте, Японы Ерөнхий сайд Шигеру Ишиба нар гарын үсэг зурж, 10 жилийн хамтын ажиллагааны гэрээ гэж түүнийгээ тодорхойлсон юм.

Хэлэлцээрийн нэг хэсэг нь уул уурхайн ханган нийлүүлэлтийн сүлжээг нэмэгдүүлэхэд туслах явдал юм. Перу бол дэлхийн хамгийн том зэс үйлдвэрлэгч орнуудын нэг бол Япон бол аж үйлдвэрийн гол металлын хамгийн том хэрэглэгчдийн нэг билээ.

Ази, Номхон далайн эдийн засгийн хамтын ажиллагааны дээд хэмжээний уулзалтын дараа Перу мөн Өмнөд Солонгостой батлан ​​хамгаалах салбарт хамтран ажиллах гэрээ, тухайлбал, “Hyundai Heavy Industries” компанитай шумбагч онгоцны гэрээ, “Korea Aerospace Industries” компанитай сөнөөгч онгоцны эд анги үйлдвэрлэх гэрээ байгуулсан гэж Болуартегийн Гадаад хэргийн сайд мэдэгдэв.

Өнгөрсөн долоо хоногт Перу улс Хятадад барьсан Номхон далайн эргийн Чанкай мегапортыг албан ёсоор нээснээр Латин Америк, Азийн хооронд илүү хурдан, илүү үр ашигтай худалдааг хийх боломжтой болж байгаа ба нээлтийн үйл ажиллагаанд БНХАУ-ын дарга Ши Жиньпин оролцсон байна.

Эх сурвалж: Japan Today

Бэлтгэсэн: О.Янжинлхам