2024 онд солонгос хэлний түвшин тогтоох шалгалт өгөх иргэдийн анхааралд

Монгол Улс, БНСУ-ын  Засгийн газар хоорондын гэрээ, хэлцлийн дагуу БНСУ-д Хөдөлмөрийн гэрээт ажилтан илгээх үйл ажиллагааг Монгол Улсад зохион байгуулах чиг үүрэгтэй ИЛГЭЭГЧ цорын ганц хууль ёсны байгууллага бол Хөдөлмөр, Халамжийн Үйлчилгээний Ерөнхий Газар юм.

2024 оны Солонгос хэлний түвшин тогтоох шалгалт зарлагдсантай холбогдуулан иргэдийг ‘’Шалгалтад тэнцүүлнэ’’ гэсэн нэрийдлээр  хууран мэхлэх гэмт хэрэг ихсэх хандлагатай байна.

Иймд Иргэн та залилах гэмт хэргийн хохирогч болохоос урьдчилан сэргийлж, албан ёсны байгууллагаар үйлчлүүлэн үнэн бодит мэдээлэл авах, бусдаар дамжуулалгүй өөрийн биеэр нягтлан шалгах, сонор сэрэмжтэй байхыг анхааруулж байна.

ХӨДӨЛМӨР, ХАЛАМЖИЙН ҮЙЛЧИЛГЭЭНИЙ ЕРӨНХИЙ ГАЗАР

ГАДААДАД АЖИЛЛАХ ХҮЧ ГАРГАХ ХЭЛТЭС