“Ногоон барилгын аудитор бэлтгэх” Сургалт зохион байгуулагдаж байна

Хот байгуулалт, барилга, орон сууцжуулалтын яам, "Ногоон барилгын хүрээлэн"-тэй хамтран Хүлэмжийн хийн ялгарлыг бууруулах, барилгын салбарын эрчим хүчний хэмнэлт, үр ашгийг нэмэгдүүлэх нөхцөлийг бүрдүүлж, ногоон барилгын эрх зүйн орчныг бий болгох зорилтын хүрээнд “Ногоон барилгын үнэлгээ (BESTGER)-ний аргачлал”, “Ногоон барилгын (BESTGER) гэрчилгээ олгох журам”, “НОГООН БАРИЛГЫН АУДИТОР, сургагч багш бэлтгэх журам”-ыг тус тус баталсан.

Энэ хүрээнд Ногоон барилгын үнэлгээ хийх аудитор бэлтгэх сургалтыг /2025.05.19-27/-ны хооронд “Барилга хөгжлийн төв”-д зохион байгуулж байна.

Ногоон барилгын үнэлгээний BestGER аргачлал /БД 25-102-24/-аар :

Барилгын төлөвлөлт болон технологийн үнэлэх;

Барилгын дотоод орчин, орон зайн хүртээмжийн төлөвлөлт;

Барилгын газар хөдлөлтийн тэсвэржилтийн үнэлэх;

Газар хөдлөлийн эрсдлийн үнэлэх;

Халаалтын систем ба ногоон шийдэл;

Барилгын дулаан хангамж, хашлага бүтээц;

Эрчим хүчний хэрэглээг тооцох;

Сэргээгдэх эрчим хүч ба автоматжуулалт;

Усны үр ашигтай хэрэглээ ба цэвэр усны хэмнэлт, түүнийг тооцоолох;

Хүлэмжийн хийн ялгарал, шингээлт, Барилгын хүлэмжийн хийн ялгаралыг тооцох нь сэдвүүдээр лекц семинарыг салбарын болон дэд бүтцийн мэргэжлийн доктор, зөвлөх зэрэгтэй багш нар хичээл зааж байгаа бөгөөд ирэх 07 дугаар сараас Ногоон барилгын үнэлгээ хийж, гэрчилгээ олгож эхлэхээр төлөвлөж байна.