"BLACKPINK" хамтлаг 5 жилийн ойгоороо “Blackpink: The Movie” кино гаргахаар болжээ

Солонгосын алдарт "BLACKPINK" хамтлаг тун удахгүй болох 5 насны төрсөн өдөртөө зориулж ирэх наймдугаар сард томоохон хэмжээний тѳсѳлд бэлдэж байгаагаа мэдэгдсэн. Тус тѳслийн нэр ‘4+1 PROJECT’ бөгөөд утга нь "BLACKPINK" 4 гишүүнтэй ба фендом нь "BLINK" тул 4+1 гэсэн байдлаар илэрхийлж байгаа аж.

Тэгвэл "YG Entertainment"-аас ирэх наймдугаар сарын 8-нд хамтлагийн дебүт хийсний 5 жилийн ойд зориулан “Blackpink: The Movie”-г цацах бөгөөд Солонгос болон бусад 100 орны CGV дэлгэцээр гарахаар тѳлѳвлѳсѳн байгаа хэмээн мэдэгдсэн байна.

Тус кинонд гишүүдийн ярилцлага, фенүүдтэйгээ хуваалцахыг хүссэн зүйлс болон ѳнгѳрсѳнд үзүүлж байсан үзүүлбэрүүдийг багтааж дурсамжаар аялуулна. Энэхүү кино нь “4+1 Project” тѳслийн нэг хэсэг юм.