“BTS” хамтлагын гишүүн Ж-Хөүп цэргээс халагдан иржээ

Ж-Хөуп өглөөний 10 цагийн орчимд өөрийн алба хааж байсан газар болох Сөүлээс зүүн өмнө зүгт 90 км-ийн зайд орших Вонжу дахь армийн 36-р явган цэргийн сургалтын баазын гол хаалганы гадна гарч ирсэн байна. Дараагаар хар нарны шил, улаан хүрэм өмссөн хатлагын гишүүн Жинээс баглаа цэцэг хүлээн авсан үйл явдал болжээ. Бусад гишүүд цэргийн албаа үргэлжлүүлэн хааж байгаа тул түүнийг тосож авсан цорын ганц гишүүн юм.

Өмнөд Солонгост хөдөлмөрийн чадвартай бүх эрэгтэй хүмүүс 18-21 сарын хугацаанд цэргийн алба хаах ёстой байдаг.

Мөн шүтэн бишрэгчдэд нь хандан хэт их ачаалал үүсгэхгүйн тулд тухайн газарт очихгүй байхыг тус хамтлагийн “BigHit Music” агентлагаас зөвлөжээ.

"Би 18 сар цэргийн алба хааж, зааварлагчийн үүрэг гүйцэтгэх хугацаандаа олон удаа цэргийн жагсаал хийсэн болохоор Вонжүгийн олон иргэдийг харлаа. Цэргүүдийг угтаж, урам хайрласан иргэддээ баярлалаа гэж хэлмээр байна. Үнэхээр сэтгэл хөдлөм байлаа."

Тэр дундаа Жин Жи-Хөупын өмнө өвдөг сөгдөн, хэвлэлийнхний өмнөөс микрофон барин зогсож хүмүүсийн анхаарлыг татсан юм.

"Алба хаах үеэр цэргүүд шаргуу хөдөлмөрлөж, бүх хүчээ дайчлан, эх орноо хамгаалахын төлөө их зүйл хийж байгааг би хараад бахархсан. Ард түмэн алба хааж буй цэргүүддээ халуун сэтгэл, хүндлэл үзүүлж байвал илүү утга учиртай байх болно гэж би бодож байна" хэмээгээд "Гайхалтай дэмжлэг, урам зориг өгсөнд баярлалаа. Би эрүүл саруул ийнхүү халагдан гарлаа." гэж нэмж хэлэв.

Ж-Хөуп дөрөвдүгээр сард элссэн бөгөөд үндсэн бэлтгэлийнхээ дараагаар тэнд туслах багшаар ажилласан юм.

Зургадугаар сард халагдсан Жин түүнээс хойш идэвхтэй ажиллаж, 2024 онд Парист болох Зуны Олимпийн наадмын галт бамбарт оролцож, ирэх сард бие даасан төслөө гаргахаар бэлтгэж байна.

Ж-Хөуп ажлаасаа халагдсаныхаа дараа хувийн үйл ажиллагаагаа үргэлжлүүлэх төлөвтэй байгаа нь шүтэн бишрэгчдийнхээ сэтгэлийг хөдөлгөж байна.

Эх сурвалж: Yonhap

Бэлтгэсэн: Янжинлхам