АН-ын залуус чуулж хэтийн төлөвөө хэлэлцэнэ

Намын дотоод хагаралын асуудлаа шийдсэн АН намын үл ажиллагаагаа жигдрүүлэхээр ажиллаж эхэлжээ.

Тодруулбал, тус намын залуус нэгдэн “Grand meeting” зөвлөгөөн хийхээр болжээ. Тус зөвлөгөөнөөр Монгол Улсын нийгэм, эдийн засгийн нөхцөл байдал, улс төрийн үйл явцад дүгнэлт өгч, АН-ын үзэл баримтлал, үнэт зүйлсийн эрхэм тулгуур болох хүний эрх, эрх чөлөө, бизнесийн эрх чөлөөнд тулгарч буй саад бэрхшээлийг даван туулах, тус нам шинэчлэгдэж сөрөг хүчний үүргээ хариуцлагатай гүйцэтгэх, бодлого, байр сууриа тодорхойлох асуудлыг асуудлыг хэлэцэхээр болжээ. Мөн зөвлөгөөнд улс төрийн клубууд, эдийн засагчид, баялаг бүтээгчид, иргэний нийгмийнхэний санал бодлыг сонсох аж.

Юутай энэ зөвлөгөөнөөс АН-ын өнөөгийн болон маргаашийн явах зам хэрхэх нь харагдах болов уу гэж улс төрийн ажиглагчид үзэж байна.