Бизнесийн мэдлэгийг 10000 залууст олгох P-MBA сургалтын хоёр дахь ээлжийн төгсөгчид төгсөлтийн гэрчилгээгээ авчээ

МҮХАҮТ-аас боловсруулсан Бизнесийн сэргэлтийн хөтөлбөрийн хүрээнд 10000 залуусыг Бизнесийн сургалтад хамруулахаар болж эхний ээлжид бүртгүүлсэн 300 залуу сургалтдаа хамрагдсан талаар бид мэдээлсэн. Тэгвэл Бизнесийн мэдлэгийг 10000 залууст олгох P-MBA /Personal MBA/ сургалтын хоёр дахь ээлжийн 300 суралцагч төгсөлтийн  гэрчилгээгээ МҮХАҮТ-ын Гүйцэтгэх захирал Т.Дүүрэн, Бизнес академийн захирал Д.Асралт, МБИҮНХ-ны гүйцэтгэх захирал Г.Галаарийдий нараас гардаж авлаа.

Энэ хугацаанд суралцагчид МҮХАҮТ-ын Их танхимд хичээллэж 12 модуль хичээлийг хоёр долоо хоногийн эрчимжүүлсэн сургалтад хамрагдаж улмаар бизнесийн төслийг хэрхэн үр өгөөжтэй бичих арга барилд суралцахаас гадна бизнесийн удирдлагын суурь ойлголтыг олж авах юм.