Г.Занданшатарын Засгийн газар 100 хонох уу

Монгол улсын Ерөнхий сайд Г.Занданшатарын тэргүүлсэн Засгийн газар 100 хонохгүй нь бололтой гэх мэдээлэл олон нийтийн дунд тархаад байна. Учир нь УИХ-ын гишүүн М.Нарантуяа-Нара өчигдөр өөрийн цахим хуудастаа "Засгийн газарт хамтрахаа болвсон нь дээр гэх саналыг зөвшөөрсөн ИЗНН-ын дарга Б.Батбаатарт баярлалаа" хэмээн нийтэлсэн. Төд удалгүй тус мэдээллийг тус намын дарга БОУАӨ-ийн сайд Б.Батбаатар “Зөв магадгүй” хэмээн өөрийн цахим хуудаст нийтэлжээ.

Бид энэ талаар тодруулах гэсэн боловч БОУАӨ-ийн сайд Б.Батбаатар одоогоор гадаадад ажиллаж байгаа учир мэдээлэл өгөх боломжгүй гэлээ.

Ямартай ч  ИЗНН-ын Улс төрийн зөвлөл ирэх сарын 1-ний даваа гарагт хуралдаж, намын дотоод асуудал болон хамтарсан Засгийн газарт ажилласан хугацааны үр дүнг хэлэлцэхээр болсон. Энэ нь магадгүй шинэхэн Ерөнхий сайдын Засгийн газрын 100 хонох эсэхийг шийдэж магадгүй юм.

Бид тус хуралдаанаас гарсан шийдвэрийг цаг алдалгүй мэдээлэх болно.