М.Анхцэцэг Азийн аваргаас гурван хүрэл медаль хүртлээ
![](https://niitlel.mn/wp-content/uploads/2023/05/269437284_4097032897065970_6725108246514051851_n-052924-997175783-1140x900.jpeg)
ДАШТ-ий алт, мөнгө, хүрэл медальт, Монгол Улсын гавьяат тамирчин Мөнхжанцангийн Анхцэцэг БНСУ-ын Жинжү хотод болж буй хүндийн өргөлтийн насанд хүрэгчдийн Азийн аварга шалгаруулах тэмцээнд амжилттай оролцлоо. Тэрээр эмэгтэйчүүдийн 81 кг-ын жинд хүрэл медаль хүртэв.
М.Анхцэцэг огцом өргөлтөөр 108, түлхэлттэй өргөлтөөр 135, нийлбэр дүнгээр 243 кг-ыг өргөснөөр 3 хүрэл медаль хүртэж шагналын тавцанд зогслоо. Манай тамирчны урд БНХАУ-ын хоёр тамирчин алт, мөнгөн медалийн эзэн болсон юм.
Сэтгэгдэл үлдээх