Приус загварын хоёр машин мөргөлдсөний улмаас хүүхэд нас барсан харамсалтай осол гарчээ

Дорноговь аймгийн замд өчигдөр приус загварын хоёр машин мөргөлдсөн ноцтой осол гарчээ.

Энэ талаар Тээврийн Цагдаагийн Албанаас тодрууллаа.

ТЦА-ны Урьдчилан сэргийлэх хэлтсийн ахлах мэргэжилтэн Г.Отгонтамир "Дорноговь аймгийн замд зургаадугаар сарын 16-ны өдөр приус загварын автомашинууд мөргөлдсөн осол гарсан.

Харамсалтай нь үүний улмаас хоёр хүүхэд гэмтэж, нэг хүүхэд газар дээрээ нас барсан. Ослын шалтгааныг Дорноговь аймгийн цагдаагийн газраас үргэлжлүүлэн шалгаж байна" гэлээ.

Иймд жолооч та бүхэн замын хөдөлгөөнд оролцохдоо аюулгүй байдлыг хангаж, зөв дадалтай байхыг анхааруулж байна.