Хороодын хөдөлмөр, халамжийн ажилтнуудад хөгжлийн бэрхшээлтэй иргэнд үнэлгээ хийх аргачлалын сургалт зохион байгуулав

“Хөгжлийн бэрхшээлтэй иргэдийн хөдөлмөр эрхлэлтийг дэмжих үйл ажиллагаа”-ны хүрээнд хөдөлмөр эрхэлж буй хөгжлийн бэрхшээлтэй иргэдэд хувийн туслах үйлчилгээ үзүүлэх тухай тусгагдсаны дагуу Хөдөлмөр, халамжийн үйлчилгээний ерөнхий газартай хамтран Нийслэлийн БГД, БЗД, СБД, ХУД, СХД, ЧД-ийн хороодод хөдөлмөр, халамжийн ажилтнуудад Хөгжлийн бэрхшээлтэй хүнийг бие даан амьдрахад нь дэмжлэг үзүүлэх, үйлчилгээний журам, хувийн туслах үйлчилгээнд хамрагдах хөгжлийн бэрхшээлтэй иргэнд үнэлгээ хийх аргачлалын сургалтыг 2023 оны 06 дугаар сарын 14-16-ны хооронд зохион байгууллаа. Тус сургалтад нийт 212 албан хаагчид хамрагдсан байна.

Хувийн туслах үйлчилгээнд 18-аас дээш насны хөгжлийн бэрхшээлтэй иргэн хамрагдах бөгөөд үйлчилгээний зардлын нэг цагийн үнийн дүнгийн 10 хувийг өөрөө төлөхөөр журамд заасан.