БОАЖЯ: Ойжуулалтын менежментийн чадавхийг дээшлүүлэх цахим сургалтыг зохион байгууллаа

Цахим сургалтыг нээж БНСУ-ын Ойн боловсролын хүрээлэнгийн захирал И Си Хэ, Монгол Улсын Засгийн газрын хэрэгжүүлэгч агентлаг Ойн газрын дарга Б.Оюунсанаа, Монгол-Солонгосын “Ногоон хэрэм” төслийн захирал И Сон Гил нар оролцож, амжилт хүслээ. Тус сургалтанд Улаанбаатар хот болон орон нутгаас нийт 100 гаруй хүн хамрагдлаа.

Сургалтын зорилго :

o Монгол-Солонгосын “Ногоон хэрэм” төслийн үйл ажиллагааг үр ашигтай бөгөөд саадгүй хэрэгжүүлэхийн тулд Засгийн газар, төсөл болон орон нутгийн мэргэжилтнүүдийн чадавхийг дээшлүүлж харилцаа холбоо, хамтын ажиллагааг сайжруулах,

o Үрийн арчилгаа хамгаалалт, мод тарих болон үржүүлэх арга технологиор дамжуулан тогтвортой ойн менежментийн чадавхийг дээшлүүлэх,

o БНСУ-ын ойн аж ахуйн дэвшилтэт технологийн тухай судалж, хоёр орны ойн хамтын ажиллагааг сайжруулах зорилготой зохион байгуулагдсан юм.