Дайны онц байдалтай холбоотой Өмнөд Солонгосын сайд асан амиа егүүтгэхийг завджээ

Өнгөрсөн долоо хоногт тус улсад цэргийн байдал тогтоох гэсэн ерөнхийлөгчийн оролдлого бүтэлгүйтсэний хариуцлагыг хүлээсэн Өмнөд Солонгосын Батлан ​​хамгаалахын сайд асан Ким Ён Хён амиа хорлохыг завдсан гэж албаны хүн мэдэгдэв.

Эрх баригчид түүнийг мягмар гарагийн орой хорих төвд тийнхүү амиа егүүтгэх оролдлого хийж байхад нь илрүүлж зогсоосон гэж Хууль зүйн яамны цагдан хорих газрын дарга Шин Ён Хэ хууль тогтоогчиддоо мэдэгджээ.

Юны цочирдуулсан дайны дэглэмийн дараа Ким өнгөрсөн долоо хоногт ерөнхийлөгчийн бусад дээд албан тушаалтнуудын хамт огцорчээ.

Түүнийг ням гарагт мөрдөн байцаалтад саатуулсан байна.

Тэрхүү оролдлогын дараагаар түүний эрүүл мэндэд ямар нэг асуудал гараагүй гэж Шин хэлжээ.

Ким нь Өмнөд Солонгосын ард иргэдийн дургуйцлыг ихээр хүргэсэн ба Юныг богино хугацааны цэргийн дэглэм тогтооход үүрэг гүйцэтгэсэн хэргээр шалгагдаж буй дээд албан тушаалтнуудын нэг юм.

Эх сурвалж: BBC

Бэлтгэсэн: Сарасвати