Д.Амарбаясгалан: Хоёр намын удирдлагууд үйл явдал, үзэл баримтлал, үнэт зүйл гэдэг том сэдвүүд дээрээ харилцан ойлголцолд хүрсэн

МАН, МАХН нэгдэх эсэх олны анхаарлыг ихээхэн татаж буй. Өнөөдөр МАН-ын ахмад гишүүд ЕНБД Д.Амарбаясгаланд МАХН-тай нэгдэх уриалгаа гардуулж өглөө.

МАН-ын ахмад гишүүн Ө.Дорждэрэм: 2016 онд манай хоёр нам УИХ-д эвсэх оролцох хамтарсан уриалга гаргаж байсан. Өнөөдөр энэ хоёр намынхаа гишүүдийн саналыг үндэслэн МАН, МАХН-ын нэгдэх уриалга гаргалаа. Өнөөдөр энэ уриалгыг гаргахад хоёр намын төлөөлөл оролцож байна.

МАН-ын Ерөнхий нарын бичгийн дарга Д.Амарбаясгалан: Хоёр нам нэгдэх асуудлыг анхан болон дунд шатнаас гаргаад явж байгаа. Намын удирдлагууд үйл явдал, үзэл баримтлал, үнэт зүйл гэдэг том сэдвүүд дээрээ бид харилцан ойлголцолд хүрч байж нэгдэх асуудал яригдана. Хоёр намын удирдах зөвлөлөөс ажлын хэсэг гараад хоёр намын ойлголцол, гишүүдийн саналыг судлаж байна. Үүнийг бид шат шатныхаа хурлаар ярилцаж байж шийднэ.