Машинтайгаа сураггүй болсон эмэгтэй модонд боомилсон байжээ
![](https://niitlel.mn/wp-content/uploads/2023/08/oi-mod.jpg)
Орхон аймгийн Баян-Өндөр сумын харьяат иргэн, 33 настай, эмэгтэй 08 дугаар сарын 22-ны өдрийн 09:00 цагт гэрээсээ автомашинтай гараад сураггүй болжээ. Эмэгтэйн автомашиныг Хар модтойн даваа гэдэг газраас олж, 08 дугаар сарын 23-нд онцгой байдлын байгууллагаас тусламж хүссэн байна.
Тус аймгийн Онцгой байдлын газрын Гал түймэр унтраах, аврах 56 дугаар ангийн алба хаагчид, Цагдаагийн газрын алба хаагчид эрэн хайх ажиллагааг зохион байгуулж, түүний цогцсыг Булган аймгийн Бугат сумын Баянтөгөл багийн “Хар модтын даваа” гэдэг газарт модноос дүүжлэгдсэн байдалтай олж, Орхон аймгийн Цагдаагийн газрын эрүүгийн мөрдөгчид шилжүүлэн өгчээ.
Эх сурвалж: ОБЕГ
Сэтгэгдэл үлдээх