Монгол Улс дахь олон улсын хөгжлийн түншлэгчдийн ээлжит уулзалт амжилттай зохион байгуулагдлаа

Монгол Улсын Засгийн Газар, Жендэрийн Үндэсний Хороо хөгжлийн түншлэгчдийн ээлжит уулзалтыг Байгаль орчин, уур амьсгалын өөрчлөлтийн яамтай хамтран зохион байгууллаа.

Энэ удаагийн уулзалт нь БОУАӨЯ-тай хамтаран зохион байгуулж  байгаагаараа онцлог болж байгаа бөгөөд үндэсний түвшинд хэрэгжиж буй жендэрийн бодлого төлөвлөлтийн талаар болон байгаль орчин, уур амьсгалын өөрчлөлтийн салбарт хэрэгжиж буй “Монгол орны хөдөөгийн иргэдийн уур амьсгалын өөрчлөлтөд дасан зохицох чадварыг нэмэгдүүлэх, эрсдэлийн менежментийг сайжруулах төсөл (ADAPT) “, “Монголын унаган байгалийн хүлцэл, тогтворжилтыг хангах нь төсөл (ENSURE)”, “Тогтвортой аялал жуулчлалыг хөгжүүлэх төсөл” зэрэг төсөл, хөтөлбөрийн хүрээнд хэрэгжүүлж буй жендэрийн эрх тэгш байдлыг хангах чиглэлээрх үйл ажиллагаа, үр нөлөөний талаар мэдээлэл солилцож, хэлэлцүүлэг хийлээ.