Норвегит вакцин хийлгэсэн хоёр хүн нас баржээ

Норвегит коронавирусний вакцин хийлгэснийхээ дараа нас барсан хоёр тохиолдол бүртгэгджээ. “Вакцин хийлгэснээсээ хойш хэдхэн өдрийн дараа нас барсан тухай хоёр мэдэгдлийг бид нэгдүгээр сарын 5-нд хүлээж авсан” хэмээн Норвегийн эмийн агентлагийн мэдэгдэлд дурдсан байна.

Америкийн “Pfizer”, Германы “BioNTech” компаниудын гарган авсан вакцинаар Норвег иргэдээ 12 дугаар сарын 27-ноос дархлаажуулж эхэлжээ. Одоогоор эрх баригчид нас баралт, вакцин хоорондоо хамааралтай эсэхийг шалгаж байна.