ТЦА: Аравдугаар сарын 1-нээс өмнө торгуулийн 50 хувиа төлөхгүй бол "Өршөөлийн хууль"-д хамрагдах боломжгүй

УИХ-аас Тулгар төрийн байгуулагдсаны 2230, Их монгол улсын 815 жил, Ардын хувьсгалын 100 жилийн ойг тохиолдуулан зарим гэмт хэрэг, зөрчил үйлдсэн хүн, хуулийн этгээдийг эрүүгийн хариуцлага, зөрчлийн шийтгэлээс нэг удаа өршөөн хэлтрүүлэх өршөөл үзүүлэх тухай хуулийг батлан гаргасан. 

Уг хууль 2021 оны долдугаар сарын 6-ны өдрөөс хүчин төгөлдөр хэрэгжиж эхэлсэн бөгөөд улмаар 2017 оны долдугаарын 1-ний өдрөөс 2021 оны зургаадугаар сарын 24-ний өдрийн 00:00 цагаас өмнө Зөрчлийн тухай хуулийн 14.7 дугаар зүйлд заасан зөрчил үйлдсэн хүн 2021 оны аравдугаар сарын 1-ний өдрийн дотор торгох шийтгэлийн төлбөрийн 50 хувийг төлсөн бол үлдсэн хувийг өршөөн чөлөөлөх юм. 

Хэрэв аравдугаар сарын 1-нээс өмнө торгуулийн 50 хувийг төлж барагдуулахгүй бол өршөөлд хамрагдахгүйг Тээврийн цагдаагийн албанаас санууллаа.