Шатахууны олдоц муу байна

Ашигт малтмал, газрын тосны газраас өнгөрсөн долоо хоногт шатахууны нөөц хангалттай, үнэ нэмэгдэхгүй гэсэн мэдээллийг хийсэн ч АИ-95 шатахууны үнэ 100 төгрөгөөр нэмэгдсэн.

Улмаар амралтын өдрүүдэд цөөнгүй шатахуун түгээх станцууд АИ92 бензинийг зараагүй. Мөн нэг машинд АИ95 шатахууныг 30 мянган төгрөгөөс дээш олгохгүй байлаа. Энэ талаар АМГТГ-аас нэгдсэн мэдээлэл өгөөгүй бөгөөд шатахуун импортлогч нар албан ёсоор тайлбар хийгээгүй байна. Мөн зарим шатахуун түгээх станцуудад дизель түлш дууссан гэх шалтгаанаар зарахгүй байна.