“Avatar 2” нээлтээ хийснээсээ хойш 2 тэрбум ам.долларын орлого олжээ

Америкийн “Disney” компанийн “Avatar: The Way of Water” уран сайхны киноны орлого 2 тэрбум ам.долларын босгыг давснаар Канадын найруулагч Жеймс Кэмероны бүтээлүүдээс 2 тэрбум давсан орлого олсон гурав дахь уран бүтээл болжээ.

Үүний өмнө “Avatar”, “Avengers: Endgame”, “Titanic”, “Star Wars: The Force Awakens”, “Avengers: Infinity War” гэсэн ердөө тавхан кино л 2 тэрбумаас дээш ам.долларын ашиг орлого олж байсан юм.

“Avatar” киноны хувьд ирэх таван жилийн хугацаанд дахин гурван ангийг бүтээхээр төлөвлөж байгаа талаар Ж.Кэмерон мэдэгдсэн.